លោក ឌី រត្ន័ខេមរុណនាំយកអំណោយមនុស្សធម៌ទៅចែកជូនសិស្សក្រីក្រចំនួន១០នាក់ដែលរៀននៅអនុវិទញយាល័យ សង្កាត់បឹងទំពន់
16-August-2016 | ដោយ មែន កំសត់
ភ្នំពេញ៖នៅព្រឹកថ្ងៃទី១៦ ខែសីហា ឆ្នាំ២០១៦ លោក ឌី រត្ន័ខេមរុណ ប្រធានអនុសាខាកាកបាទក្រហមកម្ពុជាខណ្ឌមានជ័យ បានដឹកនាំក្រុមការងារនាំយកអំណោយមនុស្សធម៌របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាទៅចែកជូនសិស្សក្រីក្រចំនួន១០នាក់ដែលទទួលបានជ័យលាភី លេខ១ ដល់ លេខ៥ មកពីអនុវិទ្យាល័យដំបូកខ្ពស់៥នាក់ និងអនុវិទ្យាល័យសន្សំកុសល៥នាក់។
តាមការបញ្ជាក់របស់នាយកអនុវិទ្យាល័យសិស្សក្រីក្រភាគច្រើនមានឪពុកម្តាយ ជាកម្មកររោងចក្រ និងកម្មករសំណង់ រស់នៅក្នុងផ្ទះជួលស្ថិតក្នុងមូលដ្ឋានសង្កាត់បឹងទំពន់ ខណ្ឌមានជ័យ ។
នាឱកាសនោះលោកឌី រត្ន័ខេមរុណ ប្រធានអនុសាខា បានពាំនាំប្រសាសន៍ផ្តាំផ្ញើសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា សូមឲ្យប្រជាពលរដ្ឋរស់នៅថែរក្សាសុខភាពអនាម័យ ពិសេសក្មួយៗសិស្សានុសិស្សខិតខំប្រឹងប្រែងរៀនសូត្រ និងចៀសឲ្យឆ្ងាយពីគ្រឿងញៀនដែលនាំឲ្យផលលំបាកដល់ក្រុមគ្រួសារ និងសង្គមជាតិ ។
ក្នុងនោះដែរអាណាព្យាបាលសិស្ស និងប្រជាពលរដ្ឋមានជីវភាពខ្វះខាតចំនួន១១គ្រួសារផ្សេងទៀតដែលមកចូលរួមពិធី ក៏បានទទួលនូវអំណោយមនុស្សធម៌រួមមាន ៖គ្រឿងឧបភោគ-បរិភោគ និងថវិកាមួយចំនួន សម្រាប់សិស្សម្នាក់ៗទទួលបានកង់ជប៉ុន១គ្រឿង, អង្ករ១បាវ, មី១កេះស ត្រីខ១យ៉ួ, ឃីត១កញ្ចប់ ( មុង ភួយ ក្រមា ) រួមទាំងថវិកាផងដែរ៕
ចំនួនអ្នកទស្សនា
- ថ្ងៃនេះ2561
- ម្សិលមិញ2921
- សប្តាហ៍នេះ12371
- ខែនេះ5491
- ឆ្នាំនេះ341751
- សរុប19569197